ഒ.എന്‍.വി.ക്ക് പ്രണാമമായി ഓടക്കുഴല്‍ വാദനം.

ഒ.എന്‍.വി.ക്ക് പ്രണാമമായി ഓടക്കുഴല്‍ വാദനം.

ഓര്‍മ്മകളുടെ കൈവളകിലുക്കി അരയിസ്ക്കൂളില്‍ ഓടക്കുഴല്‍ വാദനം.മലയാളത്തെ രാഗബദ്ധമാക്കിയ അനശ്വര ഗാനങ്ങള്‍ കോര്‍ത്തിണക്കി ശ്രി ബാലചന്ദ്രന്‍ കൊട്ടോടിയാണ് ഓടക്കുഴലില്‍ നാദവിസ്മയം തീര്‍ത്തത്.സൈജുമാസ്റ്റര്‍ സിനിമാഗാനങ്ങള്‍ ആലപിച്ചു.ആദിത്യന്‍,ദേവിക,സ്നേഹമോള്‍,അനിരുദ്ധ് ,ദേവനന്ദ  എന്നിവര്‍ ഒ.എന്‍.വി കവിതകള്‍ ആലപിച്ചു.

അക്ബര്‍ കക്കട്ടലിന് പ്രണാമം

അക്ബര്‍ കക്കട്ടിലിന് പ്രണാമം

അക്ബര്‍ കക്കട്ടിലിന് അരയി കുരുന്നുകളുടെ പ്രണാമം..

മികച്ച വിദ്യാലയം

മികച്ച വിദ്യാലയം

അരയി ഗവ. യു.പി. സ്ക്കൂളിനെ ഹോസ്ദുര്‍ഗ് ഉപജില്ലയിലെ മികച്ച വിദ്യാലയമായി തെരഞ്ഞെടുത്തു.അവഗണിക്കപ്പെട്ട സര്‍ക്കാര്‍ വിദ്യാലയത്തെ ജാതിക്കും മതത്തിനും രാഷ്ട്രീയത്തിനുമതീതമായി

 കൂട്ടായ്മയിലൂടെ നേട്ടങ്ങളുടെ നെറുകയില്‍ എത്തിച്ചതിനാണ് പുരസ്ക്കാരം.ബി.ആര്‍.സിയില്‍ വച്ച് നടന്ന ചടങ്ങില്‍ നഗരസഭാചെയര്‍മാന്‍ വി.വി. രമേശന്‍ പുരസ്ക്കാരം വിതരണം ചെയ്തു.

പഠനയാത്ര

ഏകദിനപഠനയാത്ര

2015-16 വര്‍ഷത്തെ പഠനയാത്ര 13-02-2016 വെള്ളിയാഴ്ച  നടന്നു..കണ്ണൂര്‍ , പറശ്ശിനി സ്നേക്ക്പാര്‍ക്ക്,,വിസ്മയ വാട്ടര്‍തീം പാര്‍ക്ക് ,,,എന്നിവ സന്ദര്‍ശിച്ചു.അന്തരിച്ച മലയാളത്തിന്റെ ശ്രേഷ്ഠകവി ശ്രി. ഒ.എന്‍.വി. കുറുപ്പിന് വിസ്മയ പാര്‍ക്കില്‍ വച്ച് പ്രണാമമര്‍പ്പിച്ചു.സംഗീതാര്‍ച്ചന നടത്തി.

ചേരുവ മാറ്റാം രുചിനോക്കാം

ചേരുവ മാറ്റാം രുചിനോക്കാം

വ്യത്യസ്ത ചേരുവകള്‍ അടങ്ങിയതാണ് ആഹാരമെന്നും,ചേരുവകളുടെ സ്വഭാവത്തിനനുസരിച്ച് അഹാരത്തിന്റെ രുചിയിലും വ്യത്യാസം വരുമെന്നും തിരിച്ചറിയുന്നു,.ആഹാരത്തിലെ ചേരുവകള്‍ പട്ടികപ്പെടുത്തുന്നു.

രണ്ടാംതരത്തിലെ അറിഞ്ഞുകഴിക്കാം എന്ന പാഠഭാഗവുമായി ബന്ധപ്പെട്ട് നടത്തിയ പഠനപ്രവര്‍ത്തനത്തില്‍നിന്ന്....

രക്തസാക്ഷി ദിനം

ഗാന്ധി സൂക്തങ്ങള്‍ക്ക് രംഗഭാഷ്യമൊരുക്കി കുട്ടികള്‍.. 

 "പ്രവര്‍ത്തിക്കുക അല്ലെങ്കില്‍ മരിക്കുക. "സ്ക്കൂള്‍ അസംബ്ലിയില്‍ഒത്തുചേര്‍ന്ന കുട്ടികള്‍ പതിവില്ലാത്ത ശബ്ദം കേട്ട് തിരിഞ്ഞുനോക്കി.രക്തസാക്ഷിദിനത്തില്‍ ഒന്നാംതരത്തിലെ ദേവനന്ദ തനിക്കുകിട്ടിയ ഗാന്ധിസൂക്തം അവതരിപ്പിച്ചതായിരുന്നു അത്.ഹിംസയിലൂടെയുള്ള വിജയം വിജയമല്ല. അതു വെറും തോല്‍വിയാണ്..എന്തെന്നാല്‍ അതുവെറും നൈമിഷികം മാത്രം....

തുടങ്ങിയ അറുപത്തിയെട്ട് മൊഴിമുത്തുകള്‍ കുട്ടികള്‍ അവതരിപ്പിച്ചു.പ്രധാനധ്യാപകന്‍ കൊടക്കാട് നാരായണന്‍ അനുസ്മരണ പ്രഭാഷണം നടത്തി.

മികവ് പ്രദര്‍ശനം 2015-16 (26-01-2015)

ഇംഗ്ലീഷ് രംഗശില്പമൊരുക്കി  ഒന്നാംതരം  കൂട്ടുകാര്‍...

മലയാളം മീഡിയം കുട്ടികള്‍ക്കും ഇംഗ്ലീഷ് മീഡിയത്തെ വെല്ലുന്ന  തരത്തില്‍സ്കിറ്റുകളും  കോറിയോഗ്രാഫിയും,അക്ഷന്‍സോങ്ങും അവതരിപ്പിക്കാന്‍ കഴിയുമെന്ന പ്രഖ്യാപനമായിരുന്നു  റിപ്പബ്ലിക്ക് ദിനത്തില്‍ നടന്ന മികവുത്സവം. ഒന്നുമുതല്‍ ഏഴുവരെ ക്ലാസുകളിലെ പഠനപ്രവര്‍ത്തനങ്ങളുടെ ഭാഗമായുള്ള വിവിധ പരിപാടികളാണ്   കുട്ടികള്‍രംഗവത്ക്കരിച്ചത്....വിവിധ വിഷയങ്ങളിലുള്ള മാസികകള്‍, പഠനോപകരണങ്ങള്‍, ചുമര്‍മാസികകള്‍  എന്നിവയുടെ പ്രദര്‍ശനവും ഒരുക്കിയിരുന്നു.9മണിക്ക് ചേര്‍ന്ന സ്ക്കൂള്‍ അസംബ്ലിയില്‍  പ്രധാനധ്യാപകന്‍ കൊടക്കാട് നാരായണന്‍ മാസ്റ്റര്‍ പതാക ഉയര്‍ത്തി.

നിരഞ്ജന് പ്രണാമമര്‍പ്പിച്ച്..

നിരഞ്ജന് പ്രണാമമര്‍പ്പിച്ച് അരയിയില്‍ നേത്ര പരിശോധനാ  ക്യാമ്പ്.

പത്താന്‍ കോട്ട് ഭീകരാക്രമണത്തില്‍  ജീവന്‍ ബലിയര്‍പ്പിച്ച  ധീര ജവാന്‍ ലഫ് .കേണല്‍ നിരഞ്ജന്റെ ഓര്‍മ്മയ്ക്കായി സൗജന്യ നേത്ര പരിശോധനാ ക്യാമ്പ്.കോം ട്രസ്റ്റ് കണ്ണാശുപത്രിയും  സ്ക്കൂള്‍ വികസന സമിതിയും ചേര്‍ന്നാണ് ക്യാമ്പ് സംഘടിപ്പിച്ചത്.  നഗരസഭാ കൗണ്‍സിലര്‍ ശ്രി. സി.കെ. വത്സലന്‍ ഉദ്ഘാടനം നിര്‍വ്വഹിച്ചു.മടികൈ ഗ്രാമ പഞ്ചായത്ത് മെമ്പര്‍ ശ്രി ജഗദീശന്‍ അധ്യക്ഷത വഹിച്ചു.

പുതുവത്സരാഘോഷം 01/01/2016

ഒന്നാം ദിവസം അക്ഷരമുണ്ട്...രണ്ടാം ദിവസം പായസമുണ്ട്   ..... 

അരയി  ഗവ.യു.പി.സ്ക്കൂളിലെ പുതുവത്സരാഘോഷം     വാര്‍ഡ് കൗണ്‍സിലര്‍    ശ്രി. സി.കെ. വത്സലന്‍ കേക്ക് മുറിച്ച് ഉദ്ഘാടനം ചെയ്തു.വിജയകുമാരി ടീച്ചര്‍ സാപോണ്‍സര്‍ ചെയ്ത കേക്കിനു പുറമേ  12 തരം പയറുവര്‍ഗ്ഗങ്ങള്‍കൊണ്ട് ഉണ്ടാക്കിയ പായസവും പുതുവര്‍ഷത്തെ മധുരതരമാക്കി.

പുതുവര്‍ഷം പയറുവര്‍ഷം 31/12/2015

 അന്താരാഷ്ട്ര പയറുവര്‍ഷം 

മണ്ണുവര്‍ഷത്തിനും, പ്രകാശവര്‍ഷത്തിനും പിന്നാലെ പയറുവര്‍ഷമായ് കടന്നുവന്ന പുതുവര്‍ഷത്തെ   വരവേല്‍ക്കാന്‍  12 തരത്തിലുള്ള പയറുവര്‍ഗ്ഗങ്ങള്‍കൊണ്ട്"  2016 സ്വാഗതം"എന്ന്  ആലേഖനം ചെയ്തു.പയറുവര്‍ഗ്ഗങ്ങള്‍കൊണ്ട് പായസം  ഒരുക്കി അന്താരാഷ്ട്ര പയറുവര്‍ഷത്തെ സ്വാദിഷ്ടമാക്കി.