Flash News

' അരയി ഗവ.യുപി സ്കൂളിനെ അന്താരാഷ്ട്ര നിലവാരത്തിലേക്ക് ഉയര്‍ത്താനുള്ള കാഞ്ഞങ്ങാട് നഗരസഭയുടെ പദ്ധതിക്ക് തുടക്കമായി. നഗരസഭ ബജറ്റില്‍ അരയി ഗവ.യുപി സ്കൂള്‍, മേലാങ്കോട്ട് എ.സി.കണ്ണന്‍നായര്‍ ഗവ.യുപി സ്കൂള്‍ എന്നീ രണ്ട് വിദ്യാലയങ്ങളെയാണ് ഇന്‍റര്‍നാഷണല്‍ വിദ്യാലയങ്ങളായി ഉയര്‍ത്താന്‍ നിര്‍ദ്ദേശിച്ചത്. അരയിയുടെ മികവിന് പത്തരമാറ്റ് തിളക്കം...ചന്തേര ബി.ആര്‍.സിയില്‍ വച്ച് നടന്ന ജില്ലാതല മികവുത്സവത്തില്‍ അരയിക്ക് ഒന്നാം സ്ഥാനം... ഹോസ്ദുര്‍ഗ് ഉപജില്ലയിലെ ഏറ്റവും മികച്ച വിദ്യാലയത്തിനുള്ള പുരസ്ക്കാരം നഗരസഭാചെയര്‍മാന്‍ വി.വി.രമേശന്‍ അരയി ഗവ.യു.പി.സ്ക്കൂളിന് സമ്മാനിച്ചു.. ശിശുസൗഹൃദവും പരിസ്ഥിതി സൗഹൃദവുമായ വിദ്യാലയ വികസനമാണ് അവാര്‍ഡിന് അര്‍ഹമാക്കിയത്... പത്താന്‍കോട്ട് ഭീകരാക്രമണത്തില്‍ ജീവന്‍ ബലിയര്‍പ്പിച്ച ധീരജവാന്‍ നിരഞ്ജന് പ്രണാമമര്‍പ്പിച്ച് സൗജന്യ നേത്ര പരിശോധനാ ക്യാമ്പ്. .

2017, ഏപ്രിൽ 11, ചൊവ്വാഴ്ച

അഗതി മന്ദിരത്തിലെ അന്തേവാസികള്‍ക്ക് വിഷുക്കോടി

 അഗതി മന്ദിരത്തിലെ അന്തേവാസികള്‍ക്ക് വിഷുക്കോടി

അഗതി മന്ദിരത്തിലെ അന്തേവാസികളെ ഊട്ടാൻ വിഷമില്ലാത്ത പച്ചക്കറികൾ കൊടുത്ത് മാതൃക കാട്ടിയ അരയി ഗവ.യു.പി.സ്കൂൾ ഹരിതസേന  മടിക്കൈ മലപ്പച്ചേരിയിലെ  വൃദ്ധസദനത്തിൽ വീണ്ടുമെത്തി. വാർഷികാഘോഷ ചടങ്ങിൽ വെച്ച് രക്ഷിതാക്കളിൽ നിന്നും നാട്ടുകാരിൽ നിന്നും അധ്യാപകരിൽ നിന്നും ശേഖരിച്ച പതിമൂവായിരം രൂപയും നൂറു സെറ്റ് പുതുവസ്ത്രവും കൈമാറാനാണ് ഒരാഴ്ചയ്ക്കുള്ളിൽ കുട്ടികൾ എത്തിയത്. ഹരിതസേനാംഗങ്ങളായ കെ.നീലിമ, കെ.ആദിത്യ, കെ.അതുല്യ, ടി.ഫയാസ്, കെ.ആദിത്യൻ, കെ.ടി.അഭിനവ്, പി. അഭിരാം, പി.കെ. ആദിത്യൻ, കെ.ടി.അഭിരാം എന്നിവരാണ് പ്രധാനാധ്യാപകൻ കൊടക്കാട് നാരായണൻ, പി ടി എ ഭാരവാഹികളായ ടി.ഖാലിദ്, പി.ഭാസ്ക്കരൻ, കെ.മദനൻ എന്നിവരോടൊപ്പം വൃദ്ധമന്ദിരത്തിലെത്തിയത്.
വിതരണ ചടങ്ങ് പ്രധാനാധ്യാപകൻ കൊടക്കാട് നാരായണൻ ഉദ്ഘാടനം ചെയ്തു.എം.എം.ചാക്കോ അധ്യക്ഷത വഹിച്ചു.

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ