അഗതി മന്ദിരത്തിലെ അന്തേവാസികള്‍ക്ക് വിഷുക്കോടി
അഗതി മന്ദിരത്തിലെ അന്തേവാസികളെ ഊട്ടാൻ വിഷമില്ലാത്ത പച്ചക്കറികൾ കൊടുത്ത് മാതൃക കാട്ടിയ അരയി ഗവ.യു.പി.സ്കൂൾ ഹരിതസേന മടിക്കൈ മലപ്പച്ചേരിയിലെ വൃദ്ധസദനത്തിൽ വീണ്ടുമെത്തി. വാർഷികാഘോഷ ചടങ്ങിൽ വെച്ച് രക്ഷിതാക്കളിൽ നിന്നും നാട്ടുകാരിൽ നിന്നും അധ്യാപകരിൽ നിന്നും ശേഖരിച്ച പതിമൂവായിരം രൂപയും നൂറു സെറ്റ് പുതുവസ്ത്രവും കൈമാറാനാണ് ഒരാഴ്ചയ്ക്കുള്ളിൽ കുട്ടികൾ എത്തിയത്. ഹരിതസേനാംഗങ്ങളായ കെ.നീലിമ, കെ.ആദിത്യ, കെ.അതുല്യ, ടി.ഫയാസ്, കെ.ആദിത്യൻ, കെ.ടി.അഭിനവ്, പി. അഭിരാം, പി.കെ. ആദിത്യൻ, കെ.ടി.അഭിരാം എന്നിവരാണ് പ്രധാനാധ്യാപകൻ കൊടക്കാട് നാരായണൻ, പി ടി എ ഭാരവാഹികളായ ടി.ഖാലിദ്, പി.ഭാസ്ക്കരൻ, കെ.മദനൻ എന്നിവരോടൊപ്പം വൃദ്ധമന്ദിരത്തിലെത്തിയത്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ