ചങ്ങമ്പുഴ കാവ്യോത്സവം
മലയാളികളുടെ ഹൃദയ തീരങ്ങളെ കുളിരണിയിച്ച് ഒഴുകിയ മഹാനദിയാണ് മഹാ കവി
ചങ്ങമ്പുഴയെന്ന് യുവകവി സി.എം.വിനയചന്ദ്രൻ പറഞ്ഞു. കവിയുടെ എഴുപതാം
ചരമദിനത്തിന്റെ ഭാഗമായി അരയി ഗവ.യു.പി.സ്കൂളിൽ സംഘടിപ്പിച്ച കാവ്യോത്സവം
ഉദ്ഘാടനം ചെയ്യുകയായിരുന്നു അദ്ദേഹം.
കുന്നുകളും കാടുകളും
പുഴകളും നിറഞ്ഞ മനോഹരമായ ഗ്രാമഭംഗിയെ തന്റെ കാവ്യ വീണയിലൂടെ വായനക്കാർക്ക്
മറക്കാനാവാത്ത അനുഭവമാക്കി മാറ്റിയ കവി വര്യനാണ് ചങ്ങമ്പുഴ
കൃഷ്ണപ്പിള്ള.അദ്ദേഹത്തിന്റെ പേരും പെരുമയും മലയാളികളുള്ളിടത്തോളം
നിലനില്ക്കും. വിനയചന്ദ്രൻ അഭിപ്രായപ്പെട്ടു.
പി ടി എ
പ്രസിഡന്റ് പി.രാജൻ അധ്യക്ഷത വഹിച്ചു. അമേയ കവിത ചൊല്ലി.പ്രധാനാധ്യാപകൻ
കൊടക്കാട് നാരായണൻ, പ്രകാശൻ കരിവെള്ളൂർ, ശോഭന കൊഴുമ്മൽ, അഫ്സൽ എന്നിവർ
പ്രസംഗി ച്ചു. രമണൻ മഹാകാവ്യത്തിന്റ പിറന്നാൾ പ്രമാണിച്ച് വിപുലമായ
പരിപാടികൾ വിദ്യാരംഗം കലാ സാഹിത്യ വേദി ആസൂത്രണം ചെയ്തിട്ടുണ്ട്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ