Flash News

' അരയി ഗവ.യുപി സ്കൂളിനെ അന്താരാഷ്ട്ര നിലവാരത്തിലേക്ക് ഉയര്‍ത്താനുള്ള കാഞ്ഞങ്ങാട് നഗരസഭയുടെ പദ്ധതിക്ക് തുടക്കമായി. നഗരസഭ ബജറ്റില്‍ അരയി ഗവ.യുപി സ്കൂള്‍, മേലാങ്കോട്ട് എ.സി.കണ്ണന്‍നായര്‍ ഗവ.യുപി സ്കൂള്‍ എന്നീ രണ്ട് വിദ്യാലയങ്ങളെയാണ് ഇന്‍റര്‍നാഷണല്‍ വിദ്യാലയങ്ങളായി ഉയര്‍ത്താന്‍ നിര്‍ദ്ദേശിച്ചത്. അരയിയുടെ മികവിന് പത്തരമാറ്റ് തിളക്കം...ചന്തേര ബി.ആര്‍.സിയില്‍ വച്ച് നടന്ന ജില്ലാതല മികവുത്സവത്തില്‍ അരയിക്ക് ഒന്നാം സ്ഥാനം... ഹോസ്ദുര്‍ഗ് ഉപജില്ലയിലെ ഏറ്റവും മികച്ച വിദ്യാലയത്തിനുള്ള പുരസ്ക്കാരം നഗരസഭാചെയര്‍മാന്‍ വി.വി.രമേശന്‍ അരയി ഗവ.യു.പി.സ്ക്കൂളിന് സമ്മാനിച്ചു.. ശിശുസൗഹൃദവും പരിസ്ഥിതി സൗഹൃദവുമായ വിദ്യാലയ വികസനമാണ് അവാര്‍ഡിന് അര്‍ഹമാക്കിയത്... പത്താന്‍കോട്ട് ഭീകരാക്രമണത്തില്‍ ജീവന്‍ ബലിയര്‍പ്പിച്ച ധീരജവാന്‍ നിരഞ്ജന് പ്രണാമമര്‍പ്പിച്ച് സൗജന്യ നേത്ര പരിശോധനാ ക്യാമ്പ്. .

2015, ജനുവരി 10, ശനിയാഴ്‌ച

റണ്‍ കേരള റണ്‍

റണ്‍ കേരള റണ്‍  ജനുവരി 20...കേരളം ഓടുന്നു...ശാന്തിക്കായി.....ഒരുമയ്ക്കായി...ദേശത്തിനായി...ദേശീയഗയിംസിനായി....കൂടെ ഞങ്ങളും... അരയി ഗവ.യു.പി.സ്ക്കൂള്‍ റണ്‍ കേരള റണ്‍ കൂട്ടയോട്ടം  ജനുവരി 20 രാവിലെ,സംഘാടകസമിതി രൂപീകരണം ജനുവരി12തിങ്കള്‍ വൈകിട്ട് 5മണിക്ക്.   
'''''''''''''''''''''''''''''''''''''''''''''''''''''''''''''''''''''
  കഴിഞ്ഞ ആറുമാസകാലത്തെ നാട്ടുകാരുടെയും രക്ഷിതാക്കളുടെയും അധ്യാപകരുടെയും പരിശ്രമ ഫലമായി നമ്മുടെ വിദ്യാലയം വികസനത്തിന്റെ പാതയിലാണ്. ബഹു:എം.പി,എം.എല്‍.,നഗരസഭ,എസ്.എസ്., വിദ്യാഭ്യാസ വകുപ്പ് എന്നിവരോടൊപ്പം നാട്ടുകാരുടെയും സാമ്പത്തിക സഹായത്തോടെ ഭൗതിക സാഹചര്യങ്ങള്‍
വര്‍ധിപ്പിക്കുന്നതോടൊപ്പം അക്കാദമിക പ്രവര്‍ത്തനങ്ങളിലും നൂറുമേനി വിളയിക്കാനുള്ള ഒരുക്കത്തിലാണു നാം. കുട്ടികളുടെ ഇംഗ്ലീഷ് പഠനം മെച്ചപ്പെടുത്താന്‍ കേരള ഗവ:ഇംഗ്ലീഷ് ഇന്‍സ്റ്റ്യുട്ടിന്റ
കീഴിലുളള ലാബ് സ്ക്കൂളായി നമ്മുടെ വിദ്യാലയത്തെ തിരഞ്ഞെടുത്തിരിക്കുന്നു. ജനുവരി,ഫെബ്രുവരി,മാര്‍ച്ച് മാസങ്ങളില്‍ എല്ലാശനിയാഴ്ചയും ഏപ്രില്‍ മെയ് മാസങ്ങളില്‍ രണ്ടാഴ്ചകാലവും കുട്ടികള്‍ക്ക് ഇംഗ്ലീഷ് ക്യാമ്പ് നടത്താന്‍ ഇന്‍സ്റ്റ്യുട്ട് തീരുമാനിച്ചിരിക്കുകയാണ്. കാസര്‍ഗോഡ് ജില്ലയിലെ മറ്റൊരു സ്ക്കൂളിനും ലഭിക്കാത്ത അസുലഭ അവസരമാണിത്. ഈ നാട്ടിലെ മുഴുവന്‍ കുട്ടികളേയും ഈ വിദ്യാലയത്തില്‍ ചേര്‍ത്തുകൊണ്ട് കുട്ടികള്‍ക്ക് ഇംഗ്ലീഷ് മീഡിയം വിദ്യാലയത്തില്‍ പോലും കിട്ടാത്ത പരിശീലനം തികച്ചും സൗജന്യമായി ലഭിക്കുന്നതിന് നേരത്തെ തന്നെ സ്ക്കൂളില്‍ പ്രവേശനം ഉറപ്പു വരുത്തുക .
ദേശീയ കായികമേളയുടെ പ്രചരണാര്‍ത്ഥം കേരള ഗവണ്‍മെന്റ് നടപ്പിലാക്കുന്ന കൂട്ടയോട്ടം-റണ്‍ കേരള റണ്ണിന്റെ ഒരു കേന്ദ്രം അരയിയാണ്. ജനുവരി 20തിനാണ് കൂട്ടയോട്ടം. ഈ നാട്ടിലെ ആബാലവൃദ്ധം ജനങ്ങളേയും വിവിധ പ്രസ്ഥാനങ്ങളുടെ ബാനറില്‍ അതില്‍ അണിനിരത്താന്‍ കഴിയണം. മേല്‍പ്പറഞ്ഞ കാര്യങ്ങള്‍ വിജയിപ്പിക്കുന്നതിനും സംഘാടകസമിതി രൂപീകരിക്കുന്നതിനും ഒരു യോഗം 2015ജനുവരി12ന് ചേരുന്നതാണ്.

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ