ഒരുപിടി സാന്ത്വനം

ഒരുപിടി സാന്ത്വനം

ഗ്രാമത്തിലെ സാധാരണ ജനങ്ങളുടെ ആവശ്യങ്ങള്‍ക്കും ആവലാതികള്‍ക്കും കണ്ടറിഞ്ഞ് പരിഹാരം കാണുമ്പോഴാണ് വിദ്യാലയം ജനകീയമാകുന്നത്. അരയി ഗ്രാമത്തിലെ ജനങ്ങള്‍ നട്ടുനനച്ച് വളര്‍ത്തിയ വിദ്യാലയം. അവര്‍ക്കൊരു കൈത്താങ്ങായി മാറുമ്പോള്‍

വിദ്യാലയ വികസനത്തിനുള്ള ഈ ജനപക്ഷ സമീപനത്തിന്റെ ശക്തി കൂടും എന്ന കാര്യത്തില്‍ സംശയമില്ല. 'നമ്മുടെ നാട് നമ്മുടെ വിദ്യാലയം നമ്മുടെ മക്കളെ നമ്മുടെ നാട്ടില്‍ തന്നെ പഠിപ്പിക്കണം.പൊതു വിദ്യാലയങ്ങളെ രക്ഷിക്കാന്‍ ഈ ഒരു മാര്‍ഗമല്ലാതെ മറ്റു മറുമരുന്നില്ല. ആളുകള്‍ക്ക് എപ്പോഴും കയറി വരാന്‍ പറ്റുന്ന ഒരു സ്ഥാപനമായി അവരുടെ വിദ്യാലയം മാറണം ഈ ലക്ഷ്യത്തോടെ അരയി സ്കൂളിന്‍ ഒരു പുതിയ പദ്ധതിക്ക് തുടക്കം കുറിച്ചിരിക്കുന്നു. ഒരു പിടി സാന്ത്വനം. മദര്‍ പി.ടി.എയും വനിതാ വേദിയും ചേര്‍ന്ന് ഒരു ക്ലീനിക് തുറന്നു.പുതിയ റേഷന്‍ കാര്‍ഡിനുള്ള അപേക്ഷ അവര്‍ പൂരിപ്പിച്ച് കൊടുത്തു. നേരത്തെ തന്നെ ആവശ്യമായ രേഖകളുടെ വിശദവിവരങ്ങള്‍ അടങ്ങിയ ഒരു കത്ത് കുടുംബശ്രീ വഴി എല്ലാവീട്ടിലും എത്തിച്ചു. ആവശ്യമായ വിവരങ്ങളുമായി വന്നതു കൊണ്ട് പൂരിപ്പിക്കുന്നതിനുള്ള പ്രവര്‍ത്തനം എളുപ്പമായി. സുമ കെ,രജിത കെ,സബിത, ഷീല,ബേബി രാഘവന്‍, സനിത,സൗമ്യ, അശ്വനി, സൗമിനി, ജയശ്രി,റോഷ്ന,റഹ്മത്ത്,ജയന്തി,സുഹിബത്ത്,റീന,ശാലിനി,സീമ എന്നിവര്‍ നേതൃത്വം നല്‍കി.കാഞ്ഞങ്ങാട് മുനിസിപാലിറ്റിയിലേക്കും മടിക്കൈ പഞ്ചായത്തിലേക്കും നൂറോളം കാര്‍ഡുടമകള്‍ ക്ലിനിക്കിലെത്തി.